Glogn 19, p 40ss (Detgas e praulas propi da Medel)

Ina dunna da Durschis ei ida inaga o Mustér ed ha cumprau carn per in barsau da perdanonza. Ida ch’ella era entochen silla Punt sontga Gada, eis ei vegniu endamen ch’ella hagi emblidau da dumandar co cuschinar. Ella metta il barsau sut in draus e tuorna dabot vi Mustér per dumandar co ins fetschi da barsar. Returnond po ella ual aunc ver co in tgaper sesaulza ell’aria culla carn en siu hec. Cheu ha ella griu suenter beinmanegiond: «Te lai star quella, te sas betga co ei secuschina!»