Sin il giubileum da 60 onns


festivaus dalla entira vischnaunca de Mustér, Gliendisdis-Pastgas 1912

en honur de

Sgr. Mihel Antoni Maissen

sco scolast de Mustér


ln scolar gratulescha:

Signur giubilar!

Tschunconta onns, tgei buordi! Sissonta, aunc pli grev! 

Mirei, nies car mussader, quel porta quei schi lev!

El stat sidretg en scola sco en ses giuuens onns;

Gebein, quel resta giuvens, che viva culs affons.

Ei ha duvrau pazienzia ded instruir ils pigns

Che san els bauns strusch seser ed ein schon plein inschigns.

A quels recruts de scola, aunc senza alfabet,

Ha el mussau las zeffras, de leger aunc cul det.

Da quels recruts ein ussa tgi pur e tgi mistral,

Tgi ei da barba grischa e tgi spiritual.

Carschidas ein las buobas che han en scola ris,

Ein mummas ed ein tattas ed autras sin parvis.

Jeu less clomar ensemen scolaras e scolars

Ch’ ein stai tier el en scola, ch’ ein stai ad el schi cars:

Quei fuss parada gronda, quei dess in plaid famus:

„Dieus paghi, vegl mussader! Stai aunc pli ditg cun nus!“