1465 März 21

Jch Caspar Schúler, zu diser zitt lantwaibel zu Tysentis, bekenn offenlich mit dißem brieff aller mengklichem, das ich daselbs an gewonlicher richtstätt zu gericht offenlich gesessen bin anstät und jn namen Jacob Berchten, únßers landsammans.

Da fúr mich und offen verpannen gericht komen sind Jacob Baverescht, Martin Tresfantona, Genett Zerisch mit jrem erlopten fursprechen amman Liemen und eroffnetent da: Wie das sy formals ouch mit recht erlangt und bezogen hettent, das alle, die uff Medler Muntbir sitzen ene der brug Guflantz und mit namen die obgen[an]ten zwein man, Jacob Baverescht und Marty Tresfantona, die byed hie disen der brug gesessen sind, das sy all da und yetklicher besunders und all jr nachkomen jn der alp genant Byzola und die almen genant Städiens, die darzú gehört, hin yn biß zu dem bach zu Materia sòlten und mochten alpen mit allen den rechten, so darzú gehört, als volkomenlichen und wol als die von Medels, die auch recht jn der genanten alp hetten. Und aber jnnen yetz von den selben jntrag und jrung daran beschach, das jnen das nit verlangen mocht. Und begerten sy noch hútt by tag, da mit recht zu underwisen, sy daby lassen zu beliben oder aber jnen darumb mit recht zu antwúrten. Und tettent da ze ruffenb mit namen Jäkly Materia, Marty Thomasch und Pedrutt Schann und alle die zu jnen gewant weren. Und nach dem – und jnen-gerufft ward und sya da zu genn -under ögen- warend und jr kainer das nit begert zu verantwúrten, do satzten sy hin zu recht, was nun darumb recht wer. 

Do so ward nach myns, obgenanten richters, frag ainhällenklich uff den ayd erkennt: Sidmals und das nieman verantworten wòlt, so solten die vorgenanten ancleger alle und all jr nachkomen an der vorgenanten alp und jren recht und gerechtikaiten hinfur ewenklich und geruwenklich beliben; jn aller wyß und maß als sy das vormals mit recht erlangt und behebt hettent, als hie vor begriffen ist, an mengklichs jrung und wider red.

Des so begerten jnen die vorgenanten ancleger von dem rechten ain urteil brieff, der jnen ouch mit recht under des genanten lands jnsigel zu geben erkennt ward.

Uff das so hab ich, obgenanter richter, den vorgenanten unßem landamman erbetten, das er des gemainen lands jnsigel von erkantnuß wegen des rechten offenlich an dißen brieff gehenckt hätt. Der ^mit urtail und“b recht erkennt und geben ist uff nächsten donstag vor unßer liebe fröwen tag, als jr verkunt ward, des jares, als man zalt von Crysti unßers lieben heren gebúrt tiisent vierhundert sechtzig und funff jar.

Quelle: Gemeindearchiv Disentis/Mustér