ord Gasetta Romontscha dils 23 da zercladur 1926
Ils 18 d; q; ei la lingia de viafier Muster-Ursera vegnida collaudada definitivamein entras ils experts federals. Ils representants dellas autoritads dils dus cantuns tuccai e dellas lingias de viafier interessadas directamein. Presents fuvan ils sgrs. ing. Hunziker, Arbenz e Maier dil departement fed. de viafier, sgr. cus. guv. Plattner ed il capo-ing. sgr. Solca per il cantun Grischun, sgr. Mistral Jsidor Maier per il cantun Uri, sgr. capo-ingen. Bernasconi per la Viafier Retica, sgr. Müller, Ursera, sco President della Viafier della Scallina, sgr. Masson: Lausanne President della Viafier della Furca-Alpsu, sgr. ing. Marguerai directer della Furca-Alpsu, e plirs emploiai della Retica e Furca. Il representant della confederaziun, sgr. ing. Hunziker, cau ella partiziun technica dil departement de viafier fed. ha tier la conferenza finala della collaudaziun exprimiu laud e renconuschientscha en special als dus signurs ing. Bernasconi e dir Marguerat per la reconstrucziun della lingia, ch’els han exequiu enteifer strusch in onn cun tutta giavischada exactadad. Quei meretti admiraziun! El ha en num dellas autoritads federalas dau il consentiment official, ch’il trafic sappi officialmein vegnir aviarts immediat, pia gia ils 19 d. q. enstagl pér ils 20 sco stau prevediu primariamein.
La collaudaziun dil toc Ursera-Gletsch ha matei liug igl 1 de fenadur. Tochen tier quella collaudaziun cursescha in tren dapli sin la lingia dell’Alpsu.
Nus vein suandont urari:
| Mustér | 9.10 | 14.20 | 18.30 |
| Sedrun | 9.36 | 14.45 | 18.56 |
| Ursera | 10.50 | 15.58 | 20.10 |
| Ursera | 7.05 | 11.20 | 16.37 |
| Sedrun | 8.22 | 12.33 | 17.51 |
| Mustér | 8.46 | 12.56 | 18.15 |
Ils vischins (las vischnauncas sper la nova lingias an ussa.retrer las cartas per bigliet de taxa reducida. La damonda della extensiun de quella favorisaziun ei aunc buca vegnida tractada dallas autoritads federalas, las qualas han da dar cheu la decisiun finala.