Tier mias retschercas davart la historia hai jeu giu supplicau Gion Deflorin (1922 – 2006) igl onn 1989 da raquintar davart la zoppina a Nalps. El ha giu fatg quei a scret e surdau a mi 4 fegls A5 screts a maun. Cheu suonda siu text original:

La Zoppina!

Avon biabein 30 onns era Segnas in vitg total puril. Ils purs da Segnas possedevan ina alp. (Nalps) en la val Tujetsch, leu nua che vaccas, schetgs, nuorsas, cauras e pors vegneven cargai. La alp de vaccas vegneva cargau 85 vaccas, 160 cauras, 30 pors. Il rein che flessegiava permiez l’alp ora sparteva alp de vaccas e schetgs, da l’autra vart eran schetgs, nuorsas ed ansauls. Lalp de vaccas sudeva als pursanavels de Segnas e Mompé Tujetsch, Funs ed Acletta. La alp de schetgs e nuorsas sudeva alla Claustra de Mustér.

Ei fuva la stad 1956. Gion Deflorin fuva paster de Nalps schon biars onns. Ei fuva Uost ina nauscha malsogna era rutora a Rueras ei fuva la Zoppina. E lu ein tuttas alps dentuorn vegnidas viroladas en cunter quella malsogna. Ils 25 de Uost havein midau dal cuolm Nalps en laval Serengia. La emprema damaun a Serengia haiel traplau ina vacca che era bucca en uorden, denton Nus havevan aunc mai viu in cass de Zoppina e lu erei grev de dir tgei malsogna chei pudess esser.

Jeu prendel e scrivel bein spert duas lingias a Nies cautegia Battesta Albin da Mompé Tujetsch. Denton sesanflava in biro de Vetinaris a Sedrun. Ed enzatgi haveva anunziau a quei biro. Lautra damaun bein marvegl havein Nus giu il bien dockter Vetinari, Monn de Mustér che ha fatg controla. Il bien Vetinari ha fatg in grond smarvegl che havein schon tier lemrpema vacca saviu il cass de Zoppina. Per quei hains fatg la sera e la notg ina secunda controlla. In miedi federal e miedi Monn ein arrivai per tard la sera a Nalps. Ina tresta notg ei plova e neiva sco igl unviern e far controla en da quella aura ei era buca legher. Lauter di a bunura arivan plirs miedis Vetinaris federals e cantonals e gidonters.

il kass de Zoppina haveva schon priu tier in bien ton. En in per dis havevan nus mazzau 15 vaccas e 160 cauras e pors. Il kas de Zoppina sa esser en plirs kass. En bucca, en las combas ed en igl iver. Ei levan ira cun ils tiers a casa denton iglei buca stau pusseivel. La vischnaunca de Tujetsch ha buca lubiu de ira atras cun la muntanera malsauna. Elura ha ei puspei fatg in autra virola encunter. Ei ha calau e Nus havein stoviu far la qurontina a Nalps.

Ei mava encunter la fin de Setember e nus stuevan descargar. Ina paupra descargada. Essen arrivai a la pun dil Drun a Sedrunleu ei vegniu sprizau tutas vaccas e Nus havein stoviu scumiar tut il resti e schar leu ed disinfektar. Negin casrtgaun che stgava salidar Nus. Eran sco internai. Arivai a Segnas tut che haveva tema da Nus. Aber plaunsiu ha ei dau ina buna marenda tier la Maria della posta. Elu ei tut iu ora en bein.

Il Paster.

Gion Deflorin