Glogn 14, p. 112s (Detgas e praulas ord las alps da Mustér)

Aunc oz raquenta il pievel d’ina sgarscheivla disgrazia schabegiada avon 2—3 tschentaners ell’alp Russein-Mustér. Ei eri in onn da grondas malauras. In di eis ei rut ora la bova si Cuolmet, la pli teissa plaunca da Russein. Sin quella e sut quella pertgirava il paster sias vaccas; la bova ei vegnida aschi anetg ch’igl ei buca stau pusseivel da mitschar. Il paster e 50 vaccas ein vegni per la veta ella bova. Quei di ed aunc enzaconts suenter vegnevi il Rein da Russein tut cotschens o la Punt gronda.