annada 60, nr. 28 dils 13 da fenadur 1916

Il di da Sogn Placi ha mo il tren de 9:30 portau a Mustér datier de 500 persuans ensiviars. La solita via de processiun de S. Placi, en ina lunghezia ded 1 1/2 km., ei tier la processiun de suenter messa stada emplenida cun glieut dall’entschatta tochen la fin, q. v. d. la processiun ha tonschiu entuorn entuorn en quella lunghezia.  – Per sittar da fiastas posseda la claustra in pign canunett cun patrona e siara, ch‘ ei segirs ella manipulaziun e sclauda las usitadas disgrazias tier sittar cun buis ne murtes. In tal pategl fuss plitost da recommendar, nua ch‘ ei vegn sittau de fiastas.