[Reglas per las alps cuminas]

p. 41 / 1834 ils 6 de jener eissei teniu vischnaunca el liug solit et ei faitg

davart las alps cuminas sequentas reglas.

1. Ch’il signur statalter regent seigi obligaus de pledir ils pisturs u sterles. E per pledir quels haigi el pagament fl. 2.

2. Cura ch’il statalter stopi per malauras ira el l’alp e vegnir ord quella, seigi ad el fixau pagament fl. 1 a dj. Autras spessas naginas. Sco era ils pisturs migliar lur spissa cura ch’ei stovessen per malauras vegnir ord l’alp.

3. La pagaglia dils pisturs de Magariel eisei fixau fl. 44.

4. [La pagaglia per] quel de Russetas ei fixau fl. 20. Tier domisduas alps naginas autras spessas resalvont ina marenda, cura ch’ei taglien bustretsch, ad in gierau et era a statalter regent et era ils pisturs.

5. Ch’il statalter pledeschi ils pisturs dellas alps cun l’obligaziun che quels seigien obligai de dar sal aglis tiers ch’en cargai ad alp, senza jnteress.

6. La spissa seigi mintgin obligaus de dar sco suonda aglis pisturs ton en ina alp sco l’autra: pischada in quart per tgiau tuts tiers, chischiel ina messa crena, frina ina messa crena, paun ina crena.

 

Davart cargiar las alps della vischnaunca

p. 42 / Anno 1835 ils 10 de jenner. Cura ch’il ludeivel oberkeit manegia de dar vischnaunca ch’ei seigi il temps de cargiar ad alp. Sehe enqual alp podess buca cargiar en il madem di, sche quellas alps che restassen anavos, seigien obligai de pagar 1 bluzcher a di per vacca, a quei en inventaitg e bieni della vischnaunca.

Mademameing quellas alps che deschcargiassen avon seigien sutaposti a quei bluzcher a di, sentalir avon las autras alps e migliassen pistiras cuminas.

Las nuorsas deigien stuer star en las alps entochen la vigielgia s. Mihel.