ord la Gasetta Romontscha nr. 4 dils 23-1-1902

Ils 17 d. q. ha la vischnaunca de Mustér, sut sucurs de numerus amitgs ed enconoschents ord autras vischnauncas, compignau tier il ruaus della fossa siu beinenconoschent conburgeis Sgr. major Franz de Vincenz naschius ils 14 de November 1837. Il defunct ei, …

Gasetta Romontscha nr. 2 dils 10-1-1901

Posteriuramein relatein nus, ch’il re nomau componist Dr. Josef Rheinberger de Vaduz el yischinont principat Lichtenstein segi morts ils 25 de Nov. a München ella vegliadetgna de varga 70 onns. Sia mumma era de Mustér, ina sora dil defunct domdecan J. A. Carigiet de …

Mustér dumbra all’entschatta da 1902 en tut 1860 habitonts. Igl onn 1901 ein 50 persunas naschidas e sco la Gasetta romontscha commentescha: reha benedicziun!…

Gasetta Romontscha nr. 21 dils 19-5-1904

Il quors de pompiers a Mustér, pil district Reinanteriur entscheiva, sco la regenza lai publicar, Gliendisdis Tschuncheiswas, ils 23 d. q. allas 4 suenter miezdi. Ils instructers per tal quors levien buca ded obtener avon e buca pli tard. Scadina vischnaunca duessi termetter silmeins …

Gasetta Romontscha nr. 24 dils 9-6-1904

Culla sonda vargada ils 4 d. q.‘ ei la Alpsu veramein stada aviarta, aschia che la posta locala Mustér-Göschenen ha gia saviu entscheiver a cursar, enstagl pér culs 15 d. q. Enqual stadera e magasin ha ei denton custau allas empremas crotschas atras las …

Gasetta Romontscha nr. 26 dils 23-6-1904

Ad Andiast ei il venderdis-sera, ils 17 d. q., in affon de 10 onns, fegl dil scrinari Fidel Schmed de Mustér, daus sur in piogn giu el Smuér e negaus. In um giuven, che fuva demaneivel, ha cun agen prighel de veta empruau de …

Gasetta Romontscha nr. 27 dils 30-6-1904

Per la fiasta de S. Gion Battesta, patrun della baselgia parochiala de Mustér, ei succediu cheu in veramein trest accident. Duront il survetsch divin fuva il giuven Gion Battesta Columban Schuoler postaus sper baselgia, per dar tenor usit als dus sietamurtes, che sesanflavan in …

Gasetta Romontscha nr. 29 dils 14-7-1904

La fiasta de S. Placi a Mustér ha giu uonn da stupenta bial’ aura ina grondiusa participaziun de pievel sco aunc darar. Dalla imposanta processiun han varga 2000 persunas separticipau, aschia che sia entira usitada via en ina tenda de quasi 11/2 kilometer fuva …

Gasetta Romontscha nr. 39 dils 23-9-1904 

Las fieras digl atun han entschiet sut buns auspecis. La fiera d’ Andeer dals 20 d. q. ha giu numerus marcadonts, viv negozi e bials prezis. — Silla impurtonta fiera de Tusaun dals 21 d. q. ei  stau catschau 3200 armauls e fuv’ei.sco adina …