Grande vitesse! In encorscha immediat, ch’in ei schon tras quei niev toc viafier retica pli datier dal mund. Partent da Mustér allas 6 d. d. ein ins gia las 10 ella capitala grischuna ed allas 4 ella capitala federala, ch’ei dacuort stau in spezial plischer per in cusseglier nazional. Aunc dapli. In stimau abonnent e patriot romontsch spellas rivas dil lag de Genevra termetta in vivat alla nova lingia retica, che fetschi, ch‘ els obtegnien ussa leu la Gasetta aunc la medema sera. Il viadi da S. Murezi a Berlin dei bunamein ir aunc pli dabot.

(ord la Gasetta Romontscha dils 10 da zercladur 1903)