La davosa nevada dals 13 e 14 d. q. cun plievia e neiv ha buca mo tarschanau malamein ils uauls, mobein era caschunau grons dons tras immensas lavinas de caul, che han devastau e pereclitau bagetgs e menau giu bia material sin funs e vias. A Mustér ei la sonda suenter miezdi, sco ei fuva de tumer, vegniu giu dalla spundiva val s. Placi entochen sul stradun enagiu, ordei- fer las casas de Sontget ina immensa lavina de 300 m. ladezia, 4 —10 m. altezia e 7—800 m. lungezia. Plira carpuna, menada da quella el stradun, han ins tiell’ avertura dil passasdi stoviu seglientar cun purla. Sill’ entira lingia sursilvana, e probabel era en autras contradas, ei il transit sil stradun staus interruts en bia logens tras lavinas, aschia che las postas savevan buca cursar ne cun gron retardement; era il telegraf ha pitiu fetg. Denton ein tras activa lavur ussa pass per pass puspei gieneralmein aviarts. Ella val Mulineuns, denter Rabius e Sumvitg, ei il medem di era vegniu ina stermentusa lavina giud l‘ alp de Glivras e sefermada ual sper la pun crap dil stradun, purtont a sia testa in tscharschè entir sco tresta trofea. Quella lavina ha buca mo devastau entging bagetgs sper il mulin de Clau Hosang, habitonts en tala val, sco p. ex. il falun, il clavau, las rodas d’aua etc., na ella ha era aultamein pereclitau 1’existenza della casa sezza, ella quala ei sesanflava en quei moment 7 persunas, il bia affons pigns e denter quels in malsaun. Havess, sco per miracla il pigu uor, che taglia suenter 1’ aua giu encunter il mugrin della casa, buca disviau la lavina, sche fuss 1’ entira casa cun ses avdonts senza fallir vegnida sfraccada ensemen da quella, sesaulza gie la lavina en quella stretga val ell‘ altezia della casa sezza ed ual sper las preits de quella si. Ils tiers manedels, suls quals la lavina haveva scuau naven il clavau, han ins podiu liberar siado tras la palaunca. Clau Hosang, in pauper mo brav ed activ bab de familia, ha cheutras pitiu considerabel don e nus recommondein el instantamein alla beneficenza gienerala. La Redacziun della Gasetta Rom. ei prompta de acceptar subsidis pil donegiau.

(ord Gasetta Romontscha dils 19 da schaner 1899)