Che las vischnauncas ein promptas de far enzitgei per la pèsca e san culla buna veglia era prestar enzitgei persuenter, muossa sco exempel il factum, che la vischneunca de Mustér ha dacurt lubiu ad ina’sociètad de vischins d’ eregier in lac a Fontanivas, in liug ch’ei situaus e rehs de fontaunas adatadas per la tratga de pèschs sper la reuniun dil Rein anteriur e dil Rein miez (de Medel). Quei lac contegn ina dimensiun de circa 130 meters lungezia e 30 meters ladezia ed 1—3 meters profunditad, dei spezialmein survir pella tratga de pèschs ed ir vi en in‘ cert diember d’ onns en possess della vischnaunca. Ina gronda part della lavur ei gia fatga. Sentelli, ch’ in ha concludiu tala lavur culla speronza, ch‘ il niev project de lescha de pesca vegni acceptaus, respectiv il regal de pèsca surdaus allas vischnauncas.

(ord Gasetta romontscha dils 3-11-1898, nr. 44)