Arhitect Faller, che ha surpriu de baghiar la grondiusa pun de Russein denter Somvitg e Mustèr, ha ussa finiu las 6 punts piarsas, construidas ina sur lautra per tschentar la pun gronda en in’ altezia de 170 peis e 200 peis lungezia. Ei gliei stau ina difficila e prigulusa lavur, mo ei gliei tonaton reussiu all›entelgienscha e cirumspecziun digl interpretur de prevegnir a tuttas sventiras, Cun ina pintga bonamanna san ins schon ussa seprofitar de quei bi passasch, ed ir aschia tut alla grada da Somvitg a Mustèr. Era la punt Russein, porsch’ in romantic aspect: ina stupenta cascada sut la pun e 3 cascadas sulla pun serradas denter grepp’ en, visavi alla piltoresca situaziun dil vischinadi de Caverdiras Gie ei gliei bucca de sesmervegliar, che tuts ils viandonts laian plischer la Surselva, e ch› il renomau turist Baedeker numn’ ell› ina dallas pli bialas valladas ella Svizzera. Ell›entscheiva ussa a vegnir pli encunischenta e dad on ad on pli frequentada; uon ei schon passau bia viandonts e denter quels ina roschada damas; il priricipal til ei sul quolm d’Ursera, entgins van denton sul Lucmanier a Luorscha ne ad Iriel; auters sul Crizli alla Pun (Amsteg), mo paucs sul Crap Glaruna a Stahelberg, bein enqualin sur Pignu ad Elma.

(Nova Gasetta Romontscha dils 14 d’uost 1857, nr. 33)