Gliendisdis vergau ils 3 d’ october ha in berschament egl uclaun s. Lezi visavi Sedrun mess I’ entira vallada de Tujetsch en allarm. Dus grons clavaus, emplani cun 9 ladretschs pavel ein en paucas uras stai preda de furiusas flommas. II fretg de liunga stentusa lavur e de biars suadetschs de paupra glieut ei en quort svanius en stgiras neblas. II luft freva per ventira las flommas naven dallas 3 casas grad speras, ed ei gliei perquei reussiu all’ admirabla e ludeivla luvrusadat e curascha della glieut de constrenscher il liuc sin quels dus baghetgs. La caschun digl incendi dei esser stau imprecauziun d’ affons ne tubacheders vid glin, cavigliaus silla pun nuegl. Sigl emprem clom d‘ agit ein ina massa habitonts de Mustér serendii silla plazza de fiuc. Cun quella caschun hau ins saviu experimentar con avantagius in telegraf ne telephon fuss per quell’ isolada vischnaunca.

(Gasetta Romontscha dils 6-10-1887)