Denter las novas pli recentas vein nus la davosaga relatau ii barschament a Disla, ch’ hagi consumau 2 casas e 3 clavaus. El ha caschunau in don total de circa 7000 fr. tratg giu igl import della casa segirada. Treis basignusas familias cun ina roscha affons imploreschan la misericordia da lur convischins de cumin e della cassa cantonala d‘ agid, e vegnan speronza pleunsiu puspei a puder serefar tras quei public sustiniment e lur atgna activitad. Anno 1834 ha quei vischinadi della vischneunca de Mustèr pittiu in sgarscheivel don tras las inondaziuns ch’ han devastau in gron, bi e fritgeivel plaun. Quella glieud disgraziada han lu entschiel a semtter sin mistregns ed ils biars han tras lur activilad e spergnusadad aquistau cheutras ludeivla beinslonza aschia ch’ enqualin vulan pretender che quella snueivla disgrazia segi stada per biars ina ventira. Cun quella caschun remarchein nus eunc, che Disla segi in liug classic, tenor ina veglia tradiziun ein ils Huners ne Avars, che vevan 670 sblundergiau la clauslra de Mustér massacrau leu 30 religius cugl avat Adalbert, vegni batti a Disia en ina vchementa baltaglia. Nos gueriers erien lut nchers e suenter lur oraziun sil camp de baltaglia segi lu sbugliu si ord la liara ina zun reha e buna fanteuna. Quei ei l’aua sulla baselgia che nutrescha tras sia migieivla temperatura da miez unviern fravias d’aua, mulins e resgias, e che ha tiel novissim berschament prestau schi buns survetschs.

(Gasetta Romontscha dils 28-12-1860)