Ano 1801 ils 15 da februari, sin recumendaziun faittgia d’in ludeivel oberkeit sco era de la ludeivla vischnaunca, eissei ina ludeivla cumpagnia de matz de Mustér vagni enzemen a concladiu sco suonda:

Primo sei vagniu sarau giu parinameing che nagin mat de la vischnaunca deigi ira per las esschas ner per las fanestras a midar la vusch, sutt la falonza de treis crunas; ina cruna dei esser curdada a quel che porta la tgisa, a duos crunas agli cumpagnia de matz. Et en quei madem articel deigi ei era esser sarau en ils matz jasters. Encas aber che enqual matta dalla vischnaunca des risposta ad enqualtgin sutt vusch, sche deigien ellas era esser curdadas en la mademma falonza.

Secundo deigi nagin matt ira a gren ner far canera la noitg sutt la mademma falonza da 3 crunas.

Terzio deigi nagin matt ner matta Star la noitg de stgir enzemen senza clara catzola, a schagloitg deigien ei esser curdai en la mademma falontza. A quels treis articels deigien esser rutz giu per dus ons.

Scret de mei Gion Franzestg Huonder, per cumissiun de la ludeivla cumpagnia de matz, de quei temps capitani dils matz.