annada 60, nr. 34 dils 24 d’ uost 1916

Ils 18 d. q. ei in pign tren de material puspei vegnius dad Ursera sull‘ Alpsu a Mustér ed anflau la lingia dapertut en bien stan, malgrad l’ aura bletscha d’ uonn. II tren ha duront dus dis rabitschau il material de baghiar della firma impressaria Spezia-Balocca da Tschamutt a Mustér sin la staziun pil transport naven da cheu.

Ferton che la lingia dell’ Alpau fuss aschia da tut temps prompta per il trafic ha il trasse sur la Furca, sco stau relatau, obteniu ’gl unviern vargau ina nauscha interrupziun. Davos Tiefengletsch ei in viaduct de 20 m lunghezia, che ha giu custau 80,000 fr. vegnius destruius totalmein d’ ina lavina, ina reconstrucziun, che vegn a duvrar temps e daners. — Dapli ei era il tunel della Furca aunc buca finius e bandunaus da luvrers. A miez il tunel ei in’ aveina derschalauna moventa, che dat bia de pensar e bia quosts de fermar.