Peisel en documents vegls

 Peisel ed ils documents avon 1283

Ils signurs da Peisel; vegnan gia menziunai avon 1283 duas gadas en documents[1]. In da quels documents datescha dils 18 da mars 1278. Da quel exista oz mo aunc ina resumaziun. Il document da 1237 ei tochen oz buca staus d‘ anflar. El ei nudaus el cudisch „Bündner Urkunden aus dem Archiv Trun und Taxis“, igl original ei denton empaglia.

 

7.2 Peisel ed il document da 1283

Per la tiarza gada vegn Peisel numnaus en in document che datescha dils 12 da fevrer 1283. La scartira documentescha la vendita dalla dieschma da Falera che s‘ udeva alla claustra da Mustér ad in niebel signur Heinrich de Wildenberg. Igl avat Rudolf da Mustér retegn denton il dretg dad annular quella cunvegnientscha. Buca cumpriu ella dieschma ei quella dalla baselgia da Sagogn;. Sco perdetgas figurescha era Wilhelm de Phiesel (Peisel)[2].

 

7.3 Segnas el document da 1289

Per l‘ emprema gada ei il num Segnas documentaus en ina scartira da 1289, ina pergameina che sesanfla oz egl archiv central dil duca Thurn und Taxis a Regensburg (Tiaratudestga).

Schegie  che quel  vegn  signaus cun il  datum 1289  ein ins buca diltut se­girs,  sch’el ei  buca  vegnius screts gia in onn  avon. Dil document dev‘ ei duas copias. Daco ch‘ il document arriva en Tiaratudestga declara signur Rachowka digl archiv Thurn und Taxis sco suonda: pli baul era quei do­cument,  ensemen cun bia auters da  sia sort, egl archiv  da Werdenberg-Razén. Entras las midadas egl imperi roman tudestg han ins, ord motivs da segirtad, fatg ina copia e tarmess quella agl imperatur da gliez temps Rudolf I da Habsburg. Il document ei entras ils  onns ius empau en deca­denza ed ha aschia stuiu vegnir fotografaus per nus, per ch’el mondi buc empaglia.

 Il  document  tracta  d’ina  cunvegnientscha   denter  il  niebel Heinrich da Razén ed il schuldau Hartwick da  Löwenstein. Vegnius screts eis el da dus augsegners, in da Segnas ed in da Ruinaulta,  pia in segir segn ch’il vitg veva  gia caplutta ni baselgia da gliez temps![3]

Ils sis sigils che pendevan e pendan oz aunc per part vesan ora sco suonda:

  1. Heinrich, numnaus Picinus de Saxo, entirs, diameter: 43 mm
  2. Heinrich Brun(o) de Razen +S’BRVNI.D‘.REZVN diameter: 40 mm
  3. Friedrich von Fr(e)iberg maunca
  4. Albert von Grünenfels maunca
  5. Hartwick von Löwenstein fuorma triangulara 40/48 mm
  6. maunca

Per documentar il fatg suonda ussa la part decisiva en latin e silsuenter ina translaziun digl entir document:[4]

… Testes, qui interfuerunt: viri nobiles et honesti F. de Friberg, dominus Albertus de Grünenfevels, dominus Wol. de Chestris, dominus Wil. de Chastelberg, H. et Albertus fratres de Phisel[5], item Hermannus et Rü. fratres de Moraissen. Item nos sacerdotes Arnoldus et Chonradus in Sengnis et in Rialt interfuimus et scripsimus. Acta sunt hec anno domini MCCLXXXVIIII, indictione prima. …

Per romontsch vul quei dir il suandont ( il text sura ei stampaus cursiv):

legenda:

– en parentesas quadras [ ] ein aschuntaziuns per adattar il text al lungatg romontsch

– en parentesas rodundas ( ) sesanflan explicaziuns 

Ch‘ ei vegni fatg enconuschent a tuts ed a mintgin, als quals quei manuscret vegn surdaus, sur dalla cunvegnientscha denter il niebel Heinrich III, il schinumnau Bruno da Razén d‘ ina vart e da l‘ autra vart il signur Hartwick, numnaus schuldau da Löwenstein. Ins duegi saver ch‘ il (medem) signur de Hartwick hagi surdau al surnumnau Bruno dudisch depurtai per 200 daners (marcis) pervia dalla stateivla pasch seformada denter quels dus.  Quels [depurtai] ein ils [suandonts] schuldai: il niebel Friedrich de Friberg, signur Albert de Grünenfels, signur Ulrich de Castrisch, signur H[einrich] de Rueun, plinavon signur Wilhelm de Castelberg (Mustér), signur Heinrich de Castrisch, Wol[fgang] de Sogn Maxim (Sagogn), Rudolf de Blumenthal, Burkhard de Lumbrein, Albert de Ziraun e Bonapart Can., numnaus Heinz de Quader. Quella pasch ha da cuzzar senza enganament diesch onns. Ei dueigi vegnir menziunau, per cass ch‘ il surnumnau signur Hartwick ni ses affons, ni siu frar Wilhelm ni il fegl dil frar, numnaus Bruno, ni sias soras dil niebel de Saxo (Sax: num local da Mustér), ni siu frar che va a scola mu­lestan ni rumpan la pasch, che treis intermediaturs vegnien clamai, per tractar la dispeta e sediscussiunar, enteifer (denton buca pli ditg che) quendisch dis [dil passau]. Ils intermedia­turs [fussen]: niebel Heinrich II de Wildenberg e signur Konrad de Patzen. Duessen quels buca arrivar ad ina sligiaziun, stuess ina tiarza persuna vegnir clamada neutier: quei fuss signur schuldau Albert de Grünenfels, che ha allura da decider, quala part ha raschun. Vegn, mal­grad la cussegliaziun dils intermediaturs, il numnau Hartwick buca tier siu dretg, sche ston ils surnumnai signurs admonir ils depurtai, da sesurdar u al [marcau] da Cuera ni [a] Razén ni al marcau da Glion. Ei seigi aschuntau, sch‘ in dils depurtai renconuscha buca da sesurdar, ch‘ ils endisch restonts vegnien admoni, ch‘ ins arresteschi els entochen ch‘ il dudischavel sesurdat. Vitier vegn imponau che, per cass che signur Hartwick ni siu far Wilhelm ni ils affons d‘ in dils treis numnai signurs, quei vul dir Heinrich numnaus Bruno da Razén, ni il niebel de Saxo ni Heinrich, il scolar da H[einrich] disturbien la [pasch] entras vuler pagar il schliet cun schliet e perquei empruar da liberar ils depurtai; quei hagi negina valeta, avon ch‘ ils inter­mediaturs dettien lur consentiment. Ils depurtai menziunai astgan mai vegnir liberai, ni entras la forza d‘ ina sentenzia d‘ in retg ni entras quella d‘ in giuridic religius ni social. Ins ei fermamein secunvegnius ch‘ il casti da Schwarzenstein stoppi vegnir surdaus anavos ensemen cun 500 sacs garnezi, quintau en mesira romana. Ultra da quei duei il casti da Baltenstein vegnir returnaus al pliras gadas menziunau signur de Saxo [e quei] sco satisfacziun. Quella surdada dils castials sto succeder ils quater d‘ uost dalla sisavla jamna. Vegn il casti da Schwarzenstein returnaus enteifer quei termin, sto medemamein il casti da Baltenstein vegnir daus anavos e quei senz‘ in rampin.

Las perdetgas presentas ein: ils nobels e honorabels umens F[riedrich] de Friberg, signur Albert de Grünenfels, signur Wol[fgang] de Castrisch, signur Wil[helm] de Castelberg (Mustér), ils frars Heinrich ed Albert de Phiesel (Peisel), sco era ils fargliuns Herman e Rudolf de Morissen. Medemamein essan nus dus augsegners Arnold e Conrad de Sengis (Segnas) e Ruinaulta stai presents ed havein suttascret.

Igl original dil document ei vegnius screts igl onn dil Segner 1289. Per attestar quei vegn quella pagina provedida cun sis sigils e cun las suttascripziuns dil niebel H[einrich] de Saxo, H[einrich] Bruno de Razén, niebel Friedrich de Friberg, signur Albert de Grünenfels, signur Hartwick de Löwenstein, Conrad de Patzen. Ins sto saver ch‘ ei seigi aunc vegniu fatg ina co­pia da quei document.

 

La pergameina tradescha entras la suttascripziun dil plevon da Segnas mo indirect dall‘ existenza d‘ il vitg. Denton gest entras quei fatg savein nus dir che Segnas veva gia lu in agen augsegner.

 

Peisel ed il document da 1322

Il document ei vegnius screts a Mustér ils 29 da zercladur 1322

Resumaziun dil cuntegn:

Avat Wilhelm da Mustér desista per bein dil cont Hugo da Werdenberg III d‘ in prau a Schluein. Ils signurs da Peisel Albertus ed Henricus ei presents sco perdetgas.

 

Il text latin senumna:

„Testes huius rei ac concambii sunt hii: dominus Johannes de Belmont no­bilis, dominus Rudolfus de Roschach miles, Ulricus de Vallendans; domi­nus Ulricus custos, dominus Johannes de Curia, dominus Andreas de Fabaria, dominus Johannes de Thuno; Albertus et Hanricus de Phesels, …“

La translaziun secloma sco suonda: „Las perdetgas da quella caussa e brat ein las suandontas: signur niebel Gion da Belmont, signur schuldau Rudolf da Rorschach, Ulricus da Vallendau, il guardian, signur Ulricus, signur Johannes da Cuera, signur Andreas da Fabaria, signur Johannes de Thuno, Albertus et Hanricus da Peisel,…“

 

Peisel el document da 1335

Il document ei vegnius screts ils 2 d‘ avrel 1335 a Razén.  Ils frars Heinz e Simon Streif stattan garant per ils baruns Walther, Cristoph, Heinrich e Donat da Razén, frars, per ina summa da 350 marcs per Hans Streif, che vegn schaus libers dils frars da Razén, sto denton pupsei returnar sin in termin fixau, Il text ei en lungatg tudestg da gliez temps:

 

  1. April 2. Räzüns.

Wir Hainz und Symon Straiffe, gebrueder, tuent kunt und vergehent offenlich an disem briefe allen den, die in sehent alder hoerent lesen, daz wir mit den edeln herren her Walther, her Cristoffel, her Hainrich und her Donat von Rutzuns, gebruedern, lieplich und guetlich uberain kumen sint umb Hansen Straiffen[6], den wir usgenomen hant, daz er sich den selben herren wider antvurten sol uf die tage, die si ime gent, bi dem aide, den er darumbe gesworen het, umb vierdehalb hundert marchen, aht phunt Mailasch geraitet fur ain marchen; doch mit dem gedinge,

daz der selbe Hans sich den selben herren wider antvurten sol uf die tage, die sie ime gent, ân gevaerde, gen Rutzuns in die burch, ob si in ir gewalt ist. Were des nit, so sol er sich antvurten in ain ander ir vesti, der si denne gewaltig sint, und sol da inne sin ain tag und ain naht, so er sich geantvurtet, und sol

ouch niemer darus kumen, wan mit ir willen. Und braeche er das, so sint wir den vorgenanten herren vierdehalb hundert der vorgenanten marchen gevallen und schuldig ze gende. Und wissent: swelhe under den vorgenanten herren dem vorgesprochen Hansen tag git, so sol er uf den selbeln tag vrist und tag han,

ân gevaerde. Und umb die vorgenanten vierdehalb hundert marchen hant wir den vorgenanten herren ze sicherhait uud ze buergen gesetzet, ob ez ze schulden kumet, diese burgen, die hie ge­schriben stant, ieglichen umb sinen tail, als hie nah geschriben stat: zem orsten, vogt Ulr(ich) von Maetsch[7] umb zwainzig der vorgenanten marchen; Eberlin von Aspermunt umb fiumfzig marchen; Wernher den amman von Maigenvelt[8], Eglolf sin brueder, Jaclin von Wandelberg[9], Aeblin den amman von Genens[10], Swiglin von Illans[11], Hans von der Kemenaten[12], dise sebs unverschaidenlich umb fiumfzig marchen; Hartwig Schorand[13] umb zehen marchen; Symon Straiffe ist selbe burge umb zehen marchen; Hainzen Puwige[14] umb zehen marchen; UIr(ich) von Haldenstain[15] umb fiumf und zwainzig marchen; Aeblin von Jufalt umb vierzig marchen; Gotfrit von Schowenstain umb zwainzig marchen; Hans den Gansern und Ulrich den Sellosen[16] unverschaidenlich umb fiumf und zwainzig marchen; Gotfrit von Phiesels[17], ze Cur gesezsen, umb zehen marchen; Hartwig und Wilhelm Uebercastel[18], gebrueder, umb drissig marchen; Borclin von Crophenstain[19] umb zehen mar­chen; Wetzel Passellen umb zehen marchen; Andres von Blumental umb zehen marchen; Polten[20] umb zehen marchen; Vivenzen von Muldis[21] und Rudin von Ortenstain[22] unver­schaidenlich umb zehen marchen. Wir die vorgenanden.burgen allesamet gemainlich und un­ser ieglicher sunderlich vergehent; ouch offenlich an disem briefe, daz wir reht und redelich burgen sint worden und burgen sint der edeln vorgenanten Herren hern Walthers, hern Cristoffels, hern Hainrich und hern Donatz von Rutzuns, gebrueder, von Hansen Straiffen, wider sich ze antvurten den selben herren uf die tage, die si ime gent, umb vierdehalb hundert marche, aht phunt Mailasch ze raiten fur ain marchen. Und were, daz der selbe Hans das braeche und sich nit wider antvurti…

 

[1] mira era capetel 3

[2] Theodor von Mohr, Die Regenten der Archive der schweizerischen Eidgenossenschaft, 1851, p. 13

[3] BUB, Bischofsberger AG, 1973, p. 152s. e Cudisch da nums retic, A. Schorta, 19852, tom II, p. 842

[4] translaziun procurada da signur Florentin Schnoz e sur Giusep Pelican, Cuera 1988

[5] cun quei manegian ins ils dus signurs da Peisel/Segnas

[6] Straiffen era ina nobla famiglia da Cuera

[7] Mätsch ell‘ Austria sper il flum Etsch

[8] Maiavilla (Maienfeld)

[9] cantun S. Gagl

[10] Jenins

[11] Glion

[12] sper Bogn Ragaz

[13] ina schlatteina nobla da Faveras

[14] medemamein da Bogn Ragaz

[15] ella direcziun nord dil marcau da Cuera

[16] vischinonza da Cuera

[17] Peisel

[18] Surcasti en Lumnezia

[19] denter Uors e Schlans

[20] famiglia dalla Svizra orientala

[21] Muldain

[22] Ortenstein

Frühzeit und Frühmittelalter

Vor 2000 v. Chr.

In der letzten Eiszeit bedeckten grosse Gletscher die Surselva. Sie bildeten die heutigen Täler, schufen Moränen, welche später als Bergstürze zu Tal donnerten.

 

Zur Römerzeit

Das Gebiet, bewohnt von Kelten, wird von den Römern erobert.

 

Um 614

Der fränkische Mönch Sigisbert gründet in Disentis eine Einsiedelei.

 

Um 760

Bischof Ursizin unterstellt das Kloster Benediktregel.

 

808 – 818

Die Pest fordert gewaltige Opfer. Gemäss Abt Praestantius konnte die Krankheit nur durch viele Gebete und strenges Fasten eingedämmt werden.

 

Um 940

Sarazenen plündern das Dorf und das Kloster.

 

965

Kaiser Otto I besucht das Kloster.