Elektrizitätswerk Bündner-Oberland

aus: Schweizerische Bauzeitung vom 1.2.1908

Das Elektrizitätswerk Bündner-Oberland, das im ganzen 23 Ortschaften des Vorderrheintales mit Licht versorgt, ist vor kurzem in Betrieb gesetzt worden. Dem aus dem Val Frisal kommenden Bache werden durch eine Wehranlage bei dem Dorfe Waltensburg minimal 45 l/Sek. entzogen und mittelst einer ungefähr 600 m langen gusseisernen Druckleitung nach der 250 m tiefer, unterhalb Waltensburg am Vorderrhein gelegenen Zentrale geleitet. Hier sind z. Z. zwei Hochdruck-Peltontuibinen aufgestellt, von denen jede bei 750 Uml./Min. normal 250 PS leisten. Durch flexible Kupplungen direkt mit den Turbinen verbunden sind zwei Drehstromgeneratoren mit angebauten Erregern aufgestellt, jeder von 200 Kw. Normalleistung; sie erzeugen bei 50 Perioden in der Sekunde Drehstrom von 220 Volt verketteter Spannung. Jeder Generator ist ohne Zwischenschaltung irgendwelcher Apparate direkt mit den Niederspannungsklemmen eines Oeltrans- formators verbunden, der die Spannung auf 8400 Volt erhöht. In der Zentrale ist der zur spätem Aufstellung von zwei weitern Maschinengruppen zu je 500 PS nötige Raum vorgesehen. Von Waltensburg führt eine drei- •drähtige Hochspannungsleitung von 3 X 12>5 mm2 Kupferquerschnitt auf Holzgestängen rheinabwärts bis Ilanz-Kästris und rheinaufwärts bis Disentis; von dieser Leitung aus wurde, zum Teil unter Ueberwindung sehr grosser Höhenunterschiede, der Anschluss der verschiedenen Ortschaften bewirkt. Am Bestimmungsort wird jeweilen der 8400-voltige Drehstrom für Kraftzwecke auf 250 Volt verketteter Spannung herabgesetzt, während zur Beleuchtung die Energie in 145 Volt Wechselstrom abgegeben wird. Einzelnen, besonders entlegenen Oertlichkeiten wird aus Ersparnisgründen nur diese letztere Stromart zugeleitet. Die grösste durch die Hochspannungsleitung erreichte Entfernung von der Zentrale, von Waltensburg bis Disentis, beträgt ungefähr 25 km, während das Hochspannungsnetz vorläufig eine Gesamtlänge von gegen 50 km erreicht. Es ist aber schon jetzt dessen Erweiterung ins Lugnetz, ins Medelsertal und noch weiter rheinaufwärts geplant. Projektverfasser des elektrischen Teils des Werkes ist Ingenieur A. Strelin in Zürich, der im Verein mit Ing. Grüner in Basel auch dessen Bau leitete. Die hydraulischen Anlagen stammen von Escher Wyss & Cie. in Zürich, der elektrische Teil von der Maschinenfabrik Oerlikon und von C. Wüst & Cie. in Seebach, während die Hochspannungsleitungen durch Gossweiler & Cie. in Kilchberg b. Zürich und die Sekundärnetze von der Firma Maag & Olt in Zürich erstellt worden sind.

Novs maletgs per la baselgia claustrala

ord Gasetta Romontscha nr. 3 dils 24-7-1913

En la baselgia gronda claustra la ein dapi entgin temps ils frars Wolf da Lechthal, Tirol, occupai cun ina necessaria e beinreussida lavur. lls dus arviuls sur ils dus chors cun il schinumnau artg triumfal survegnan ina biala stucatura, la quala fuss gia en sesezza in ornament per la baselgia, ferton ch’ ella ha ina aunc pli nobla muntada e destinaziun sco ramas de maletgs. Il renomau pivtur Fritz Kunz, frar dil rev. con- ventual P. Leo, ha entschiet ad ornar igl arviul cun ils products meisterils de siu profund sentiment e ventireivel maun. Tgi che ha giu caschun d’ admirar sias ovras, p. ex. las scenas ord la veta de s. Francestg, sto selegrar, che in tal artist ornescha il pli grondius tempel en Surselva cun maletgs classics ord la familia benedictina ed el dequors dil temps lu ord la historia dil sanctuari sursilvan.

Il Chor Baselgia Segnas

La fundaziun dil Chor Baselgia da Segnas

L‘ emprema uiara mundiala ha era schau anavos fastitgs legreivels. Biars giuvens che han prestau survetsch activ duront quels onns, per ordinari eran ei ils romontschs ensemen, han empriu da cantar. Tenor il text dall‘ invitaziun per la fiasta giubilara da 50 onns Chor Baselgia Segnas ei quei stau igl impuls per formar in chor el vitg da Segnas. Ins ha clamau ils giuvens in di dil meins da november 1917 per discutar schebein ei fuss d‘ interess da fundar in chor baselgia quei ch‘ ei era succediu quella sera. Scolast Ludivic Huonder ei sepurschius da mussar da cantar. Heinrich Stiefenhofer e Gion Antoni Durschei han surpriu il tgamun dalla nova uniun. Beinspert han ins entschiet culs exercecis, all‘ entschatta cantavan ins canzuns profanas e pli tard era canzuns per en baselgia. L‘ emprema canzun ch‘ ei vegnida cantada ei stada „En in mulin leu sgara“. Tochen oz eis ei buca stau pusseivel dad eruir tgei canzun che quei ei cunquei ch‘ ella ei buca d‘ anflar en in cudisch da canzuns da quei temps ni avon ed era buca ella bibliografia dalla musica retoromontscha.

Weiterlesen

Mulin e resgia Gonda (Klostermühle/-säge) 

In Gonda hatte das Kloster eine Sägerei, Mühle und eine Flachsstampfe. Nach der  Uerschwemmung von 1954 wurden die Wasserräder der Klostersäge und der Klostermühle zerstört. Es folgten Bachverbaungen im Bach Acletta. Die Sägerei und die Mühle wurden elektrifiziert aber nicht mehr lange betrieben. Im heutigen Garagegebäude (178) befand sich eine Leinölstampfe (Fallun) die schon lange ausser Betrieb war. An der Stelle des Anbaus (179-A) befand sich die Säge. Auf dem Richtung Acletta anschliessenden Grundstück wurde das Holz gelagert.

Weiterlesen

Ludivic Huonder 1893 – 1978

Bündner Schulblatt  Band 38 (1978),  Seite 264

Mit a. Lehrer Ludivic Huonder nahm der zweitälteste Oberländer Schulmeister Abschied von dieser Welt. Er starb im Alter von 85 Jahren. Noch in den letzten Jahren fühlte er sich erstaunlich gut bei Kräften und war immer leidenschaftlich für die Schule interessiert. Mit 78 Jahren (in Zeiten des Lehrermangels, notabene) wäre er noch bereit gewesen, für kurze Zeit eine Stellvertretung zu übernehmen. Aber bevor es dazu kam, traten Anzeichen einer Erkrankung auf, die seiner beispielhaften Einsatzbereitschaft Schranken setzten.

Weiterlesen

Il vitget da Cuoz e las casas a Val

da 1991 (G. Tenner)

Il vitget da Cuoz ei situaus encunter ost e schai sin in’altezia da 1251 meters sur mar. Il vitg ei partius en duas parts, numnadamein Cuoz-su e Cuoz-sut. A Cuoz-su, nua che la caplutta da sogn Giachen sesanfla, ei la veglia part dil vitg. Cuoz-sut exista sco fracziun per dapi ils onns 1980. Avon anflav‘ ins leu sulettamein dus clavaus. Ils davos onns ein aunc otg casas vegnidas vitier. Denter auter anflein nus era leu in hotel d‘ emprema classa, il hotel Montana. El ei la secunda ustria dil vischinadi da Segnas. A Cuoz-su vesein nus nov baghetgs. Da quels ein quater per habitar, duas casas novas e duas pli veglias dils onns 1827, ch’ein denton vegnidas renovadas ils davos onns.

Vulan ins vegnir a Cuoz cun in auto, ston ins bandunar la via principala avon che passar la punt sur il Rein da Segnas. Ins vegn lu a veser dus baghetgs, ina casa cun scrinaria ed in magasin da lenna. Igl ei quei la scrinaria e casa da Constantin Schnoz a.h., oz auda la scrinaria a siu fegl Oscar Schnoz. Cunquei che la casa veglia ei stada barschada giu, ei la casa che nus vesein oz buca aschi veglia. Il liug, nua che quels dus baghetgs sesanflan senumna Val. Suenter in caraun meina la via teissa directamein avon caplutta da sogn Giachen a Cuoz-su. Ina via nova naven dalla via principala meina gia suenter la tabla d‘ entschatta dil vitg Mustér el vest a Cuoz-sut.

Il Chor Baselgia da Segnas

L‘ emprema uiara mundiala ha era schau anavos fastitgs legreivels. Biars giuvens che han prestau survetsch activ duront quels onns, per ordinari eran ei ils romontschs ensemen, han empriu da cantar. Tenor il text dall‘ invitaziun per la fiasta giubilara da 50 onns Chor Baselgia Segnas ei quei stau igl impuls per formar in chor el vitg da Segnas[1]. Ins ha clamau ils giuvens in di dil meins da november 1917 per discutar schebein ei fuss d‘ interess da fundar in chor baselgia quei ch‘ ei era succediu quella sera. Scolast Ludivic Huonder ei sepurschius da mussar da cantar. Heinrich Stiefenhofer e Gion Antoni Durschei han surpriu il tgamun dalla nova uniun. Beinspert han ins entschiet culs exercecis, all‘ entschatta cantavan ins canzuns profanas e pli tard era canzuns per en baselgia. L‘ emprema canzun ch‘ ei vegnida cantada ei stada „En in mulin leu sgara“. Tochen oz eis ei buca stau pusseivel dad eruir tgei canzun che quei ei cunquei ch‘ ella ei buca d‘ anflar en in cudisch da canzuns da quei temps ni avon ed era buca ella bibliografia dalla musica retoromontscha.

Beinspert han ins entschiet ad exercitar las messas.

L‘ emprema producziun ha il chor baselgia dau ina sera avon la fiasta dall‘ Immaculata ad Acletta. Suenter igl exerceci a Segnas seigien tuts se­rendi in davos l‘ auter, ei veva dau neiv e la via eri mo graschla, viers Acletta. Ei eri entuorn las diesch dalla sera. Plein forzan hagien ils cantadurs schau udir treis canzuns.

Ils da Segnas han udiu lur cantadurs per l‘ emprema gada da sogn Bistgaun. Suenter messa ha il chor cantau entginas canzuns e raccoltau in grond applaus. Duront il temps da tscheiver vegneva ei empriu da saltar suenter igl exer­ceci da cant. Cun ina suna da bucca vegneva ei fatg musica. Sco glisch du­vravan ins ina cazzola da nuegl.

Il Chor Baselgia da Segnas ha fatg part a diversas fiastas da cant nua ch‘ ils cantadurs han cuntonschiu il pli savens fetg buns resultats. Las davosas ga­das ein quei stau las fiastas da cant cecilianas a Rabius ed a Danis (1988 e 1990). Ils resultats da quellas duas fiastas ein stai excellents. Sche nus mirein anavos ella cronica vesein nus ch‘ ei ha era dau auters resultats da canifò, sco per exempel: 

Ils 27 da november 1921 vegnan las stautas dil Chor Baselgia da Segnas ac­ceptadas. Artechel 1 da quellas secloma: Sut datum dils 27 de november 1921 ei seconstituiu a Segnas in chor viril per promover il cant eclesiastic e profan[46].

In tschupi d‘ arbagias ha ei dau per il giuven chor baselgia a caschun dalla fiasta sursilvana da cant a Mustér, igl onn 1920. Ensemen cul chor viril da Mustér han els cantau la canzun da beinvegni. La canzun da premiaziun ei stada ina dallas empremas canzuns romontschas che Duri Sialm ha giu cumponiu.

1923 viseta il Chor Baselgia da Segnas la fiasta sursilvana da cant a Glion. Els vegnan honorai cun in tschupi d‘ arbagias. Il chor ha cantau la canzun „Siemis e flurs“ da C. Meister cun in text da Sep Mudest Nay.

Quei onn ei stau Creisma a Mustér. Cunquei ch‘ igl uestg Georgius Schmid de Grüneck veva aunc da cresmar a Sedrun ed il chor era gets pinaus per ir a fiasta da cant ein ils cantadurs semess sper via (giun Pignola, sin ina punt clavau) ed han cantau cura ch‘ igl uestg ei ius sperasvi. Lez hagi teniu la crotscha. Seigi ius vi tiel dirigent e priu la bitgetta ord maun. Cun sia vusch seigi el staus el cass da cuvierer gl‘ entir chor. Sch‘ il chor vessi giu cantau alla fiasta tenor igl uestg vessei quei franc dau silmeins dus tschupi­als da ruver![47] 

Ils 5 da schaner 1924 decidan ils commembers dil chor baselgia da prender part al til dalla fiasta centenara da 1924 a Trun nua ch‘ igl ei vegniu fe­stivau 500 onns Ligia Grischa. Medemamein fan els part al chor da val­lada che ha da cantar la messa festiva, la messa da sogn Placi e sogn Sigisbert da Georgius Schmid, e las canzuns tier il giug festiv cumponidas da Duri Sialm. 1927 viseta il Chor Baselgia da Segnas la fiasta sursilvana da cant a Glion. Els vegnan honorai cun in tschupi d‘ arbagias en secunda catego­ria.[48] 1930 pren il Chor Baselgia da Segnas part alla fiasta sursilvana da cant a Trun. Els vegnan honorai cun in tschupi d‘ arbagias en secunda cate­goria.[49] Igl onn 1933 Anflein nus il chor per l‘ emprema gda part ad ina fiasta ceciliana da cant ella Cadi, numnadamein a Mustér. Il success ei meins gronds.[50] 1939 separtecipescha il Chor Baselgia Segnas cun pulit bien suc­cess alla Fiasta ceciliana da Cant a Rabius.[51] 1949 viseta il Chor Baselgia da Segnas la fiasta sursilvana da cant a Glion. Els vegnan honorai cun in tschupi d‘ arbagias en emprema categoria.[52]1953 conta il Chor Baselgia da Segnas alla fiasta sursilvana da cant a Rabius. Els fan ils endischavels en emprema categoria.[53] Igl atun 1954 ei casa da scola nova stada finida. Per il di dall‘ inauguraziun ha il chor baselgia ensemen cun la giuventetgna ed ils affons cantau ina „cantata“ da Duri Sialm cun in tect dil dirigent dil chor, Victor Durschei. Quella cantata ei schizun vegnida registrada dil ra­dio dalla svizra tudestg e retoromontscha.[54] Ei setracta cheu dall‘ em­prema registraziun ch‘ ei vegnida fatga cul chor da Segnas.

Plinavon separtecipescha il chor 1954 cun bien success alla Fiasta ceciliana da Cant a Mustér.[55] 1959 anflein nus il Chor Baselgia Segnas cun fetg bien success alla Fiasta ceciliana da Cant a Trun. Il success a Danis 1963 ei staus fetg gronds, ils derschaders discuoran d‘ ina dallas meglieras pro­ducziuns!

 

[1] Invitaziun alla fiasta giubilara 50 onns Chor Baselgia Segnas, 1967 p. 1

[46] text original ord „Invitaziun alla fiasta giubilara 50 onns Chor Baselgia Segnas“, 1967 p. 3

[47] Invitaziun alla fiasta giubilara 50 onns Chor Baselgia Segnas, 1967 p. 8

[48] Invitaziun alla fiasta giubilara 50 onns Chor Baselgia Segnas, 1967 p. 8

[49] Invitaziun alla fiasta giubilara 50 onns Chor Baselgia Segnas, 1967 p. 8

[50] Invitaziun alla fiasta giubilara 50 onns Chor Baselgia Segnas, 1967 p. 8

[51] Invitaziun alla fiasta giubilara 50 onns Chor Baselgia Segnas, 1967 p. 8

[52] Invitaziun alla fiasta giubilara 50 onns Chor Baselgia Segnas, 1967 p. 8

[53] Invitaziun alla fiasta giubilara 50 onns Chor Baselgia Segnas, 1967 p. 8

[54] Invitaziun alla fiasta giubilara 50 onns Chor Baselgia Segnas, 1967 p. 10

[55] Invitaziun alla fiasta giubilara 50 onns Chor Baselgia Segnas, 1967 p. 6

Las orglas dalla baselgia da Segnas

L‘ emprema orgla da 1822

Segnas ei gia da vegl enneu stau in vitg cun gronda tradiziun musicala. Quei vesan ins era sch‘ ins contempla las orglas dalla baselgia da Segnas. Dall‘ emprema orgla a Segnas savein nus atgnamein fetg pauc. Ella ei ve­gnida construida igl onn 1822. Ei vegn consignau ch‘ il construider hagi vu­liu imitar las vuschs profundas dils cantadurs da Segnas[1]. Quei fatg lai sminar ch‘ ei deva gia da lezs temps ina gruppa, in pign chor, da canta­durs. Entuorn ils onns 1880 vegn numnadamein confirmau ch‘ ei deva in pign chor baselgia che cantava per occasiuns specialas. Franc ei che quella gruppa cumpigliava buca pli che vegn cantadurs, pertgei il plaz sin laupia lubeva buca in grond diember. Ins sa supponer ch‘ ils umens che mavan da gliez temps sin laupia figuravan el medem mument era sco cantadurs.

 

Il harmonium da 1905 

1902 ei la baselgia vegnida renovada. Che la renovaziun era necessaria udin nus dil document sut. Che quella ha custau bia daners ei era enconu­schent. Perquei survegnan ils da Segnas mo in harmonium da baselgia. Il prezi da quel munta a 380 frs.. Tgei ch‘ ei schabegiau cun l‘ orgla veglia ei buca enconuschent. Ualti carteivel era l‘ orgla da 1822 aschi en decadenza ch‘ ins ha insumma buca saviu duvrar ella pli, il harmonium ei pia staus pli che necessaris. Ils 26 da fevrer 1905 decida la radunonza da caplania da cumprar il sura numnau instrument. Quei relata il suandont protocoll[2]:

 

Prtogoll[3]

Sut il datum dals 26 de Fevrèr 1905 redunau vischins en casa de scola e trac­tau: Anflont ch‘ il baghiar la decretada orgla nova segi muort la defecta con­strucziun della baselgia ect. bucca de recomonder,

Concludiu

De cun il resultat import einorma de 11 frs. per fiuc, 8 frs. per melli e 2 frs. per olma carschentar la Parvenda, bein aber, ch‘ ei vegni dau ord quei 38‘ frs. per metter neu in harmonium de baselgia.

Segnas, ils 26 de Fevrè 1905

Jos. F. Flury[4]

  

L‘ orgla da 1933 

Il harmonium ha surviu duront entgins onns. 1933 denton ein ins sede­cidius da remplazzar el entras in‘ orgla nova dad in manual. Quei in­strument ha custau 5050 frs. e duvrava quasi tut il plaz sin laupia sura aschia ch‘ ils cantadurs eran enserrai en diltuttafatg. Plinavon ha ella era cuvretg la finiastra che rendeva glisch sin laupia. Quei ha beinsavens pro­vocau carplinas denter ils vischins. Aschia han els 1939 projectau in‘ en­grondaziun dalla laupia, igl uestg denton leva saver nuot da quei[5].

  

L‘ orgla da 1964

Pér 1967 ei ina sligiaziun semussada. Ils 22 d‘ uost ha la firma Mathis da Näfels (GL) entschiet cun la projectaziun dall‘ orgla hodierna. ils cuosts ein alla finala seresultau sin varga 30‘000 francs. Ins astga ruasseivlamein men­ziunar che sur Gion Caminada ha rimnau quasi 30’000 francs per quell‘ orgla[6]. L‘ orgla sepresenta sco suonda[7]:

L‘ orgla posseda dus manuals ch‘ appartegnan mintgamai ad in positiv, pia dus positivs totalmein separai. Igl emprem manual ei per il positiv dorsal, il secund per il positiv toraxal. Mintga manual ha 51 tastas. Il pedal cumpeglia ferm duas octavas ed ha 27 tastas. La circumferenza dils manuals tonscha da C entochen d‘‘‘, quella dil pedal da C entochen d‘. L‘ orgla funcziuna cun ina tractura e registratura manuala. Ils 8 registers ein reparti sco suonda:

Positiv dorsal:                      Gedackt 8‘                51 flautas da metal

                                               Principal 4‘                51 flautas da metal

                                               Quinte 22/3‘             39 flautas da metal

                                               Mixtur 3 f. 2‘,1‘         153 flautas da metal

 

Positiv toraxal:         Spillpfeiffe 8‘ 51 flautas da metal[8]

                                               Rohrflöte 4‘              51 flautas da metal

                                               Principal 2‘                51 flautas da metal

 

Pedal:                        Subbass 16‘               27 flautas da lenn

 

La collaudaziun era previda sin ils 17 da december 1967, l‘ inauguraziun sin la fiasta da Nadal 1967. Denton ha ei dau retards. Pli tard han ins fixau il datum sin ils 28 d‘ avrel 1968. Aschia ha la canzun ch‘ era vegnida cum­ponida per quei eveniment stuiu vegnir midada. Cunquei che la canzun ei vegnida fatga da dus vischins da Segnas e gest per quei intent unic, lessel buca tralaschar da nudar il text da quella. La melodia ei vegnida cumponida da Giusep Sialm †[9], il text ha Victor Durschei fatg. Aunc oz conta il Chor baselgia da Segnas questa canzun duront il temps da Nadal.

 

Nadal

(versiun per ils 25 da december 1967)

 

Car Bambin, Fegl divin

Spindrader, Salvader:

Pasch e salit dai als carstgauns,

Dai levgiament a nos malsauns,

Glisch, salvament dai als pagauns.

 

Vegni sur cuolms e vals

Per Jesus adurar.

Culs aunghels celestials

Lein gloria, laud cantar.

 

Nadal per pign e grond,

Nadal per il puccont.

Nadal, Nadal

resun‘ il zenn dal con.

 

Selegra pievel:

Il Segner ei nies retg.

Siu cor schi niebel

Ei nies albiert e tetg.

 

Laud al Salvader

E gloria cantei al Spindrader.

Fiasta Nadal

Cloman ils zenns en choral:

Retg celestial e perpeten.

 

 

Pastgas

(versiun dils 28 d‘ avrel 1968)

 

Cristus ei ius a tschiel.

Levada gloriusa.

Retg celestial e retg mundial

Has triumfau entiert e mort,

A nus spindrau beada sort.

 

Cantei alleluja,

Alleluja.

Culs aunghels celestials

Lein gloria, laud cantar.

 

Sogn Bab, sogn fegl, sogn Spért,

Ti sontga Trinitad

Nus adurein Tei

En perpetnadad.

 

Selegra pievel:

Il Segner ei nies retg.

Siu cor schi niebel

Ei nies albiert e tetg.

 

Laud al Salvader[10]

E gloria cantei al Spindrader.

Retg celestial

Cloman ils zenns en choral:

Retg celestial e perpeten.[11] 

Buca mo il chor baselgia ha preparau quei di da fiasta cun ina canzun. Da sur Gion Caminada, igl antecessur da sur Venzin, vein nus a Segnas aunc ses fegls da preparaziun per la benedicziun dall‘ orgla[12]. Quei eveniment, succedius all‘ entschatta dalla messa ha tunau aschia:

Spiritual:          Nies agid ei enten Num dil Segner.

Pievel:             Che ha fatg tschiel e tiara.

Spiritual:          Ludei Niessegner en siu tempel

                                   Ludei El el firmament de sia pussonza

                                   Ludei El en sias ovras pussentas

                                   Ludei El en sia grondezia infinita

                                   Ludei El cun tun e trumbettas

                                   Ludei El cun harfa e cetra

                                   Ludei El cun pauca e saults

                                   Ludei El cun gegias e flautas

                                   Ludei El cun bransinas sonoras

                                   Ludei El cun bransinas tunontas

Pievel:             Tut tgi che ha flad duei il Segner ludar.

Spiritual:          Ludei il Segner cun paucas e saults.

Pievel:             Ludei el cun gegias e flautas.

Spiritual:          Il Segner cun Vus

Pievel:             E cun Tiu Spért.

 

Spiritual:   Nus lein urar,

Segner, Ti has cumandau entras Tiu survient Moises de sunar las trumbettas tier ils sacrifecis che vegnan fatgs en Tiu num. Ti has voliu ch‘ ils fegls d‘ Israel laudien Tiu num cun tubas e bransinas. Nus rughein Tei: + benedescha quell‘ orgla ch‘ ei de­dicada a Tiu sogn survetsch. Ed ils fideivels che laudan Tei cheu sin tiara cun can­zuns spiritualas, lai arrivar tier la legria perpetna dil s. parvis. Entras Niessegner jesus Cristus Tiu Fegl, che viva e regia cun tei en unitad dil Spért Sogn, Dieus da perpeten en perpeten.

Pievel: Amen.[13]

 

Suenter quella benedicziun ha il pievel cantau il psalm 150. Sut la direcziun dad Albert Berther conta il chor la messa en honur da sogn Gion Battesta cumponida da Giusep Huonder ch‘ accumpogna il chor all‘ orgla. Sper el han ins era envidau igl organist Alexi Sialm.[14]

Per la renovaziun interna da 1992 ei planisau da midar l‘ orgla e postar quella encunter il mir davos, cunquei ch‘ ina laupia vegn demontada. La restauraziun dall’orgla hodierna ei succedida pér 2013. Per mitigar il tun recent ei vegniu fatg ina nova intonaziun ed il dispositiv lateral ei vegnius cumpletaus cun in niev register, ina Gmaba 8’. Quelals lavurs ein vegnidas fatgas dall’anteriura firma Freytag da Favugn.

 

[1] Victor e Teodosi Sialm, La famiglia Sialm, p. 76

[2] Urbari dalla pervenda Segnas, p. 265

[3] text original

[4] Urbari della pervenda Segnas 1859 –  p.

[5] Invitaziun alla fiasta giubilara 50 onns Chor baselgia Segnas, p. 5

[6] Urbari dalla Caplania da Segnas, p. 294b

[7] tenor inventari cantunal entras Willi Lippuner 9-7-1969

[8] quellas flautas han ins priu dall‘ orgla veglia

[9] cumponiu a Cham, ils 7-11-1967

[10] tenor melodia da J. S. Bach

[11] Chor Baselgia Segnas

[12] Urbari dalla Caplania da Segnas, p. 294

[13] text original

[14] Archiv parochial Mustér

Daniev a Segnas

Igl emprem da quels usits ei il di da Daniev. Era aunc en biars auters log­hens vegn quel festivaus, denton era cheu dat ei differenzas. Cunquei che nus essan il sulet vischinadi dalla vischnaunca che ha aunc mantegniu quei bi usit, lessel buca tralaschar da descriver en in pèr cuortas lingias quel.

Daniev, l‘ entschatta digl onn, fiasta da Maria, mumma da Diu. Denton lezza fiasta gioga per quei di plitost mo ina rolla laterala. Mintga persuna fa propiests all‘ entschatta digl onn, mintgina giavischa als vischins e parents mo il bien, bia cletg e buna sanadad. En tgei moda che quei succeda a Segnas lein nus mirar cheu sut:

Igl onn niev entscheiva da mesanotg e vegn annunziaus ils treis zenns du­ront diesch minutas. Ellas casas giavischan ins tut il bien als tierparents. Tscheu e leu in vischin che fa ina viseta. Sin meisa stat ina buna butteglia vin da spema, forsa aunc entgins cocs ni nuschs. Pli baul scadincass deva ei buca vin, ins secuntentava cun caffè ed in pign puschegn. Gia da vegl enneu ei il vitget da Segnas enconuschents lunsch entuorn per sia carn secca. Da Daniev vegneva per ordinari era scha schigiar da quella, gie ei deva e dat masseras che pertgiran la pli buna puolpa ni il meglier calun tochen quei di. Cunquei ch‘ ils biars fagevan pli baul il pur ed ins stueva levar baul, cuz­zava la fiastetta buca ditg.

Per ils affons entscheiva la fiasta la damaun. Forsa ch‘ els levan gest quei emprem di digl onn il pli bugen e pli spert. Igl usit dad ir per bienmaun ni sco ins di a Mustér „ir a cattar bienmaun“ negin che vul munchentar. Gia baul la damaun ein els sin viadia per ir da casa tier casa a giavischar in bien niev onn. Quei succeda suandontamein:

Ils affons entran en zuler d‘ ina casa e dian suandont verset: 

Bien di, bien onn,
nus giavischein bialas fiastas
ed in bien niev onn

 

In‘ autra versiun meins derasada secloma:

Bien di, bien onn
e dei bie[n]maun[1]
sche Vus veis buc in toc petta
sche dei in toc paun.

 

Per ordinari visitavan ils affons pli baul ils padrins e madretschas avon, ils auters vischins suenter messa. Suenter messa deva era igl augsegner il bie­maun. Tier sur Giusep Durschei per exempel era quei bunamein in usit per sesez: ils affons stuevan tenor vegliadetga vegnir avon esch-casa e cantar la canzun[2]. Entscheiver stuevan ils pigns.

Il biemaun ei ina pintga donnaziun da daners. Per ordinari munta la summa 1991 denter 0.50 ed 1.— frs tier ils vischins. Pli baul, entochen che las famiglias eran plitost aunc paupras, deva ei buca adina daners. Ils affons secuntentavan era cun in toc petta, mams[3] ni schiglioc enzatgei da mor­der. Quei declara segir era la secunda varianta dils sura numnai versets. Deva ei inagada raps, fuva la summa buca fetg gronda. 1910 fuva in bien­maun da 10 raps gia ina facultad. Per ordinari survegnevan ils affons da gliez temps 1 tochen 2 raps.

Ils affons da Segnas mavan buca mo el vitg a cattar biemaun. Suenter ver visitau las casas dil vitg , mavan els ellas fracziuns dil contuorn, gie magari perfin tochen a Mompé-Medel. Secapescha ch‘ ils affons dad autras fracziuns vegnevan era a Segnas. Oz ha atgnamein mo il vischinadi da Segnas manteniu quei bi usit ella vischnaunca. Tuttina dat ei tscheu e leu era in affon d‘ in auter vitg che fa aunc viseta a Segnas.

Ils carschi giavischavan e giavischan era in bien niev onn. Ei dat ina regla ch‘ ins astgi giavischar aunc tochen ils 15 da schaner in bien niev onn ad enzatgi. ferton ch‘ ils affons ein il suentermiezdi en tschels uclauns, mavan ils carschi a „far Daniev“, vul dir: festivar il niev onn tier vischins e pa­rents. Igl era ed ei per part aunc usit ch‘ ins viseta il vischin e beiba cun qiel in migiel vinars, per ordinari vinars dalla casa. Las casarinas laian schigiar ils mams ch‘ ein han fatg da avon Nadal, tscheu e leu dat ei cocs spagna e nuschs.

Cunquei che la fiasta croda aunc el temps da Nadal, gioga il pigniel era unc ina rolla. Savens tila il pigniel l‘ attenziun dils visitaders sin el, ils cus­sadents dalla casa ein segiramein loschs sch‘ il pigniel vegn ludaus.

La sera ei devoziun tier Maria. Suenter devoziun cuntinuescha il „far Daniev“ e finescha bein savens cun in scart troccas.

 

[1] ella regiun da Mustér vegn il plaid bienmaun pronunzaisu mo biemaun

[2] l‘ acziun da recitar ils sura versets vegn savens numnada: cantar la canzun

[3] biscuits

1 2