[Far il vacht la notg]
[1821 ils 4 de mars faitg vischnaunca].
p. 3 / Pli ei faitg ch’ils calusters deigien stuer far il vacht la noitg enta Vig e S. Gions, e deigien era haver ilg elg pils vischinadis dentuorn. Ed ei fixau che la vischnaunca bonificheschi als calusters per quei 4 thalers. La riminenta paga de quellas varts sto Vitg e S. Gions far als calusters. Quella medema gratificatziun dils 4 thalers ei era concedida al vischinadi de Segnias, sch’el vegli far in vacht sco tschaugiu.
Pli ei era serrau giu che mintgia vischinadi deigi sin Tschuncaismas che veng haver faitg in sufficient frissaken.
Era ei faitg ch’ils rothmeisters deigien en termin de 15 dis dar en tgi hagi buca tgemins. Ed en munconza possi ins trer quels en il stroff fixau pils negligens de far tgiemin.
Regulamen sur ilfiug
p. 19 / priu si della ludeivla vischnaunca sco suonda.
1. Nagin deigi tener en cassa fein, strom ch’auden en clavaus.
2. Haver tappuns pegna de crap u de fier.
3. Mirar sch’il camifegger mass ina gada per on, schubregi et urenti ils tgiamins ch’ei seigien buca con mendas. Depli deigien eung 3 gadas per on ils vischinadis far urentar ch’ei seigien schubergiai; e sch’il camifeger va bucca, sche sei [ded ira] 4 gadas per on .
4. Buca schar glin ner coniff a secar sin pegna de cazolla ner de noitg; era bucca far spattlunzas de cazolla .
5. Buca schar cuvierer ils tgiamins cun schlondas.
6. En nueilgs e clavaus scumendau de fimar tubak .
7. Deigi mintgion vignir traitg ora 2 umens per roth u vischinadi, jntelgieivels, che vomien et urentien las cassas aschi lunsch sco riguarda il fiug, per relatar alg oberkeit nua ch’ei afflien enzitgei periculus, sinaquei ch’il oberkeit miri ch’ei vegni regulau; a mintgion stopi vegnir dau relaziun agl oberkeit, tonaton senza responsabilitat da quels che urentan.
8. Buca ira cun tizuns et fiug u cotgla de fiug oraviert .
9. En cass de fiug, ch’ei sapien in ton co seregular, deigi oravon esser traitg ora 2 jntelgeivels umens entras mintgia vischinadi, che camondien alura . Cura ch’ei veng tier glieut, sche deigien quels con ils signurs gieraus ordenar vinavon .
10. II cumendar va era schi lunsch, che sch’enzatgi less senza baseings dustar dil siu, possien ei scumendar, non ch’ei seigi prigel.
11. Curch’ei rumpess ora fiug , deigien tuts vegnir cun ils frisakens, sco era sil pli paug ina sadialla per fiug. El liug aber nua ch’il fiug ei ruts ora, stopien ei dar vischalla ton sco ei veng garigiau.
12. Ils frisakens deigi mintgia vischinadi regulär tgi vomdi cun els sco era destinar 2 umens per vegnir cun els.
13. Deigi mintgia vischinadi u rott haver 2 scallas, Vitg e S. Gions 4.
Quels puintgs cau suenter en buca pri si della ludeivla vischnaunca, sunder mo chusigliai.
Mintgia sera mirar da ver 2 shadiallas aua en chassa. Et avon che ira a leitg, bein mirar dil fiug, scho era da stiallas, rumiens, tschendras, che quei seigi da lunsch e possi buca tier brastgias. Mintgia chassa deigi esser provedida cun ina latiarna.
[Fallonzas pils surpassaders da fiug]
p. 9 / Sigl uorden de fiug ei vigniu mes si ils sequents strofs.
1. Pagen ils vischins che surfeleschen ilg numero 1 fl. 1. [Per] stialas [si] surcombras, rumiens 20 x.
2. Tapuns pegnia de len ner ver cuvreitg cun aisses ner schlondas ils tgiamins ei sut strof de 30 x. v
3. Tgi che ha buca schau schubergiar tenor numero tertio, paga 20 x.
4. Tgi che va cun tizuns ora sut, sco cun cazolas sco era cun pipas ardentas en clavaus e nuelgs, paga 12 x.
[Aschuntas al reglament da fiug]
p. 54 / Davart il regulamen dil fiug [ei vegniu decidiu 1836 ils 5 de november de] Star da quel ch’ei screts el cudisch de vischnaunca. Tier artechel:
3. Deigi vegnir marchadau cul cemifeger ch’ei vomi inagada per on [a] schubregi [et] urenti ils tgiamins schi bein sco el sapi, a relateschi sch’in u l’auter fussi cun mendas ner priguluss cul fiug. Et mintgia vischinadi deigi eung f ar urentar dad els 3 gada gadas per on .
7. Sin s. Paul deigien quels umens che urentan dar part ad in ludeivel oberkeit ner silmeins ad in gierau en cassa nua ch’il oberkeit ha siu setz.
11. Deigien ils vischinadis grons, Vig a S. Gions, haver 4 frisachens, als auters 2 per rott. Davart ils frisachens a las scallas veing ilg oberkeit mirar ch’ei vegni urantau ch’ei seigien parrats a sut teitg sigrau . Deigi mintgia fiug haver 2 sadiallas aua sur noitg, a quei deigi vegnir dau uarden dils rotts ch’ei vegni urantau sur ura da temps en temps. 11 stroff ch’ei meuchien da quella aua, deigi vegnir mes sil pli paug 16 x. A quei deigi vegnir urantau alias 8 uras ilg unviern, la stat aber alias 9 uras .
14. En cass ch’enqual vischinadi lessi far enqual regia pli regulusa, sche seigi la vischnaunca obligada de dar bratsch et agit encunter ils renitents .